DAVAO CITY – Nagpadayon karon ang gihimong monitoring sa ahensiya sa Department of Trade and Industry (DTI) 11 sa mga tindahan nga nagapamaligya ug sobra kataas nga presyo sa ilang nga produkto ilabi na karon nga nagpadayon ang pagpatuman sa enhanced community quarantine kini tungod sa epekto sa pagkuyanap sa Corona virus pandemic.
Una ng gibutyag ni Rachel Remitio, City director sa DTI-Davao City field office, nakiglambigit na sila karon sa ahensiya sa Department of Agriculture (DA) aron nga matutokan pag-ayo ang presyo sa mga nag-unang palaliton aron nga mapugngan ang pagpahimulos karong panahon nga nakasinate ug krisis ang nasod.
Nanganti ang opisyal nga manubag gayud ang mga tindahan o supermarket nga sobra ang gipahamtang nga presyo sa mga baligya o wala misubay sa Suggested Retails Price (SRP) ang ilang produkto.
