DAVAO OCITY – Gibutyag sa ahensiya sa Department of Trade and Industry (DTI)-Davao City nga wala sumala pay pagsaka sa presyo sa mga nag-unang palaliton sa siyudad luyo sa sunod-sunod nga pagsaka sa presyo sa lana nga resulta sa nagpadayon nga giyera tali sa Russia ug Ukraine.
Sumala pa kang Rachel Remitio, DTI-Davao City director, ang presyo sa mga basic goods ang nagpabilin nga stable human nga walay direkta nga impact sa presyo sa mga produkto sa lokal nga merkado ang pipila ka semana sukad nga nagsugod ang Russia-Ukraine.
Gani wala matud pay nadawat nga hangyo ang ahensiya gikan sa manufacturers alang sa bisan unsa man nga price adjustments.
Gipahimangnoan sa opisyal ang mga establisyemento nga likayan ang pagpasaka ug presyo sa mga palaliton o sobra sa suggested retail prices (SRPs) diin aduna sumala pa silay mga personahe nga gipakatag matag semana sa 48 ka mga nag-unang tindahan sa siyudad kini arun imonitor ang paglihok sa presyo.
Nasayran kang Remitio nga ang ahensiya nagpatuman ug bag-ong SRP sa milabay nga Enero 27 diin gitugtan ang ubos sa 10% ng pagsaka sa presyo sa basic commodities ilabi na sa delata ug bread products.
Ang pagsaka ug P2 sa SRP sa tinapay ang adunay pagtugot ug P2 o P3 nga pagsaka sa canned goods.
Gitataw ni Remitio nga ang nahisgutan nga price adjustments gihimo gumikan sa pagsaka sa presyo sa mga raw materials.
Gikanayong ang mga manufactures sa canned goods ang mireklamo na sab sa presyo sa imported tin cans nga adunay pagsaka ngadto sa 133% sukad sa milabay nga tuig.
