DAVAO CITY – Gisugdan na karon sa mga personahe sa Department of Trade and Industry (DTI) 11 ang pagmonitor sa mga dagkong tindahan sa siyudad ilabi na ang mga pang-noche Buena items nga laomang adunay pagsaka sa presyo ilabi na nga nagsingabot na sab ang holiday season.
Hinuon gibutyag ni Rachel Remitio, City director sa DTI, nga bisan wala pay gi-isyu ang ilang head office kalabot sa SRP sa mga Noche Buena items apan dihang ilang gibasehan ang presyo sa milabay nga 2019, namatikdan sa ahensiya nga aduna nay dyutay nga pagsaka sa presyo sa mga cocktails ug ham nga dili mawala nga panghanda sa pasko.
Una ng mipahimangno ang DTI nga mamahimong manubag ang mga tindahan nga nagapatuman ug presyo sa mga produkto bisan nga adunay tukma nga SRP alang niini.
