Naapod-apod na sa Department of Social Welfare and Development (DSWD) ang hangtod sa 977,560 na ka kinatibuk-ang family food packs alang sa mga biktima sa halapad nga pagbaha sa dakong bahin sa nasud.
Sumala pa nga kini ang gidala sa nagkadaiyang bahin nga mga regional office sa ahensya aron mahatag na kini sa mga residente.
Gilangkuban kini sa 422,116 nga FFPs nga gipadala sa Central Luzon (region 3).
Ang maong regiyon ang midawat og pinakadako nga bulto sa maong mga food packs.
Ang uban bulto niini ang gidala sa CALABARZON, MIMAROPA, Bicol Region samtang dakonmg bahin usab ang gidala sa mga warehouse sa ahensya sa National Capital Region (NCR).
Pagsiguro sa ahensya. magpadayon ang pakipaglambigit niini sa lokal nga panggamhanan aron masiguro ang daling paghatag sa maong mga tabang.
Base sa datos sa ahensya, nagapabilin pa gihapon sa mga evacuation centers ang hangtod sa 14,000 nga pamilya diin kini ang gilangkuban sa hangtod 53,691 ka mga indibidual.
Nagapabilin usab nga abli ang hangtod sa 300 ka mga evacuation centers sa nagkadaiyang bahin sa nasud ug temporaryong ginapunduhan sa mga biktima.
Una ng gikataho sa gobyerno ang kapin usa ka milyon naapektuhan sa halapad nga pagbaha sa milabay ng semana.
