DAVAO CITY – Gikatakda sa Davao City Water District (DCWD) ang ipahigayon ang drinking challenge sa katapusan ning bulan sa Setyembre. Matud pa kang DCWD spokesperson Bernard Delima posibleng ipahigayon kini sa production wells sa Indangan o sa Cabantian.
Dugang ni Delima, nga bisan sila miinom sulod sa tulo ka higayon sa tubig nga gikan sa production wells.
Gihagit ang DCWD sa City Council nga imnon ang tubig sa nahisgutan nga lugar aron nga pamatud-an nga luwas kini human nga mireklamo ang mga residente gumikan sa dili maayong kolor niini.
Una ng gibutag sa ahensiya nga discoloration sa tubig hinungdan lamang sa minerals gikan sa limestone sa Cabantian water source apan luwas kini nga imnon.
Gani nakapahigayon na matud pa sila ug disinfection ingon man flushing sa mga tubo sa mga water sources sa Cabantian water system.
Kahinumduman nga una ng miduso ang barangay council sa Cabantian ug local resolution kaniadtong Agosto 22 nga mihangyo sa DCWD nga limpiyohan ang ilang mga tubo.
