DAVAO CITY – Gisuspende una sa Department of Social Welfare and Development (DSWD) ang distribusyon sa ilang financial assistance human ang nag-ong-ong nga pag-isyu sa Commission on Elections (Comelec) sa Notice of Exemption.
Sumala pa kang DSWD Davao information officer Carmela Duron nga bisan walay Notice of Exemption, did-an pa gihapon sila nga paghatag ug pundo sa ilang mga benepisiyaryo.
Sa gipagula nga advisory, sugod sa Abril 1 dili na mohatag ang DSWD ug Financial Assistance and Claims, Cash For Work, Cash Grants, Social Pension, Modified Shelter Assistance, Family Food Packs, ug Supplementary Feeding funds.
Gikanayong nagpatuman ang Comelec ug pipila ka mga ban isip kabahin sa election campaign season sugod kaniadtong Marso 29 hnagtud Mayo 12 isip kabahin sa Omnibus Election Code and Comelec Resolution No. 9585.
Sakop sa maong ban ang appointment o hiring sa bag-ong empleyado, pagmugna o pagduso ug bag-ong posisyon, promotion ug pagpasaka ug suweldo, remuneration o prebilihiyo; pagtukod sa public works ug daghanan pa. Gikanayong ang payout sa Unconditional Cash Transfer (UCT) Listahan nga naka-schedule unta kaniadtong Marso 30 sa Talaingod, Asuncion, Kapalong, ug San Isidro sa Davao Del Norte; Laak, Maco ug Pantukan sa Compostela Valley ang gisuspende tungod sa maong polisiya. Kalakip sab sa suspensiyon ang payout sa cash grants sa Pantawid Pamilyang Pilipino Program (4Ps) beneficiaries.
