DAVAO CITY – Gi-awhag sa Department of Social Welfare and Development Davao Region (DSWD-Davao) kadtong mga nakadawat ug multiple cash subsidies o doble ang financial assistance nga ibalik kini ilabi na sa Social Amelioration Program (SAP).
Sumala pa kang DSWD-Davao Regional Director Grace Subong nga anaa sumala pa sa 10 porsyento sa total beneficiaries ang subli nga nahatagan bisan nga dili eligible ang mga nahisgutan sa SAP.
Gikanayong base sa inisyal nga validation, ilang nasayran nga sa kapin 29,000 beneficiaries sa Agdao ug Paquibato districts, 1,187 niini ang duplicates.
Ang nahisgutan sumala pa nga mga duplicate beneficiaries ang ipadala sa DSWD Central Office ug Department of Finance alang sa lalom pa nga validation kung ang nahisgutan nga mga pamilya ang nakadawat ug uban pa nga subsidiya.
Sa higayon nga makumpirma, dili na ilakip ang mga nahisgutan sa second tranche sa SAP distribution.
Gikanayong ang ibalik nga mga cash ang idugang sa second tranche ingon man sa mga pamilya nga anaa sa listahan nga mas angayan nga makadawat ug SAP.
