DAVAO CITY – Paningkamutan sa ahensiya sa Department of Social Welfare and Development Office (DSWD) 11 nga mahatag na ang tanan nga mga cash reference number ngadto sa ilang mga benepisiyaryo sa Social Amelioration Program (SAP) sulod karong semahana.
Una ng gibutyag sa ahensiya nga anaa na sa 99.62% nila nga nahatag ang reference number gikan sa 407,607 SAP beneficiaries diin kalakip na niini ang mga wait listed o kadtong wala nakadawat sa 1st tranche apan deserving sa maong ayuda.
Mapasalamaton sab ang DSWD sa mga security sector nga mitabang aron lamang mapatuman ang health protocols samtang gikuha sa mga beneficiaries ang ilang cash assistance.
Nasayran nga anaa sa 1,700 ang wala pa nakakuha sa ilang hinabang hinungdan nga gi-awhag ang mga nahisgutan nga moadto lamang sa buhatan sa DSWD. Mamahimo sab sumala pa nga mobisita sa ahensiya sa higayon nga adunay reklamo sa distribution sa SAP.
