DAVAO CITY – Muabot sa 8,760 ka benepisyaryo sa Education Assistance gikan sa Department of Social Welfare and Development o DSWD XI ang nakadawat sa ilang hinabang sa ika-tulo nga sabado sa pagapud-apod niini.
Muabot sa kinatibukang Php 18,966,000 ang napagawas nga budget kagahapong Setyembre 3, 2022 ngadto sa mga benepisyaryo sa tibuok rehiyon onse.
Samtang, giklaro sa DSWD XI nga hingpit gihapon nila ginapatuman ang “No Walk In” policy sa mga buot musumite sa ilang mga dokumento aron makapahimulos sa educational assistance.
Mihangyo ang buhatan sa DSWD nga hulaton ang opisyal nga anunsyo kabahin sa educational assistance ug mag-paabot sa text message o kumpirmasyon gikan sa duha opisyal nga mga numero sa DSWD XI alang sa pagsumite sa mga gikinahanglan.
Ang opisyal nga mga numero nga ginagamit sa text blast ang adunay last 4 digits nga 6192 ug 5857.
via || Bombo Hana Rallos
