DAVAO CITY – Naghulat pa gihapon karon ang ahensiya sa Department of Social Welfare and Development (DSWD) 11 ug pinal nga desisyon sa National government kung aduna pa bay second tranche o ikaduhang hugna sa pagpanghatag ug tabang pinansiyal sa mga lugar nga apektado karon sa General Community Quarantine (GCQ).
Sumala pa kang Grace Subong, head sa DSWD-11, gihulat pa nila kung ang desisyon kung ang mga lugar na lamang nga gipailalom sa Enhanced Community quarantine (ECQ) o kung ilakip pa kadtong anaa sa GCQ sa mga hatagan ug financial assistance.
Samtang kung ang opisyal ang pasultihon, mas buot sumala pa niya nga ipatuman ang ID system sa nasod kini aron nga mas dali na lamang kanila ang pag-validate sa mga residente nga hatagan ug hinabang gumikan kay dali na lamang nila kini nga masubay bisan pa man nga mibalhin kini ug lain nga lugar.
