DAVAO CITY – Gitin-aw sa Department of Social Welfare and Development (DSWD) XI nga wala nay ikatulong tranche o ayuda nga madawat ang mga benepisyaro sa Social Amelioration Program.
Kini human adunay migula nga text messages nga gikanayong mamahimo nga kuhaon ang ikatulong ayuda gumikan nga gikalibog kini sa mga benepisyaro.
Gibutyag ni DSWD XI Information Officer kristelle May Cabatin nga ang nadawat nila nga mensahe gikan sa service provider sa ahensya nga Starpay kini alang matud pa sa mga benepisyaryo nga wala nakadawat sailang ika una ug ikaduhang ayuda.
Dugang niya nga kasamtangan nagpadayon matud pa og SAP Grievances ang buhatan alang sa kadtong mga benepisyaro nga kwalipikado nga makakuha og ayuda sa gobyerno nga wala nakadawat sa nahisgutan nga mensahe.
