DAVAO CITY – Nagpadayon ang gitunol nga mga hinabang sa ahensiya sa Department of Social Welfare and Development (DSWD) 11 ngadto sa mga nabiktima sa Magnitude 6.9 nga linog niining milabay nga adlaw diin grabeng naapektohan ang Padada, Davao del Sur.
Una ng nagpahimangno ang ahensiya sa Department of Social Welfare and Development Office (DSWD) regional Director Grace Subong ngadto sa mga buot modonar nga mas maayong i-agi una kini sa incident command post aron nga matunol ang hinabang sa mas nanginahanglan nga mga residente nga grabeng naapektohan sa pagtay-og.
Sa kasamtangan, aduna sab silay gimuntar nga mga family tents diin ilang gipahimutang ang mga family food packs nga ihatag sa mga nabiktima sa linog.
Anaa na matud pa sa 2,000 nga mga relief goods ang ilang nahatag sa mga epektadong residente ug aduna na sab silay 3,000 pa nga naka-standby.
