DAVAO CITY – Isip kabahin sa pagpaningkamut nga tapuson ang illegal drug trade sa Talomo District, gibutyag ni PMaj Sean C Logronio, PS3 Station Commander, nga malampuson ang ilang gipahigayon nga anti- illegal drug operation partikular na sa PS3 Drug Enforcement Operatives nga miresulta sa pagkamatay sa suspek human nga mipakita ug pagsukol sa otoridad.
Una ng gilusad ang buy bust operation atubangan sa Piatos residence, Purok 3, Salakot Talomo Beach, Brgy. Talomo ning batok sa suspek nga si “Alias MacMac”. Atol sa operasyon, nakamatikod ang suspek nga nakig-transaksiyon siya sa mga kapulisan hinungdan nga mibunlot kini sa iyang .38 caliber revolver ug gipusil ang otoridad.
Swerte sumala pa nga wala na-igo ang pulis ug dali kini nga nakabalos aron nga depensahan ang iyang kaugalingon.
Dali pa nga gidala ang suspek sa Adventist Hospital, Bangkal, Davao City apan gibalhin sa SPMC Hospital, Bajada apan gideklara na kining dead on arrival sa mga doktor.
Narekober sa iyang posisyon ang upat ka mga pakete sa ginadili nga druga nga kantidad sa Php 4,000, drugs paraphernalia ug uban pang mga non-drug items.
Nahipos sab sa crime scene ang .38 caliber revolver ug pipila ka mga bala. Dihang gipalawman ang imbestigasyon sa otoridad, naila nila ang suspek nga si MARK JILL ROSQUITOS IMPUESTO, lalaki, 27 anyos, tricycle driver, residente sa Talomo Proper, ning siyudad. Nalambigit na matud pa ang nahisgutan sa mga robbery incidents ug pipila ka mga riot sa maong area.
Ang patay’ng lawas sa suspek anaa sa SPMC samtang ang mga narekober nga mga drug ug non-drug evidence ang anaa sa kustodiya sa otoridad.
