DAVAO CITY – Kabsan sa kinabuhi ang usa ka durugista human siya nanlaban sa mga otoridad atol sa gilusad nga buy-bust operation sa Purok 18 GEM Village, Brgy. Ma-a, Davao City, niadtong Sabado.
Giila sa Ma-a Police ang suspek nga si alyas “Ron-Ron” 37 anyos, residente sa susamang dapit. Nasayran nga usa ka top 5 drug personality sa city level ang nahisgutang suspek.
Nakumpiska gikan sa napusilan ang mga pakete sa gituohang shabu nga mukabat sa kapin kon kulang nga 2 gramps ang gibughaton, ug nagkantidad og P32,000; usa ka kalibre .38 nga pistola; ug marked money nga gigamit sa operasyon.
Gisulayan pa ug dala ngadto sa Southern Philippines Medical Center ang suspek apan gideklara kining dead on arrival. Kasamtangang nakupot sa Ma-a Police Station ang mga ebidensya, samtang dili sipyaton sa Police Regional Office 11 ang paglusad og mga operasyon aron puhagon ang mga nagpabiling drug dens sa rehiyon.
via || Bombo LJF
