Davao City – Patay ang usa ka drug personality human kini misukol ngadto sa kapulisan atol sa gipahigayong buy bust operation sa mga sakop sa San Pedro Police station sa Brgy. 19-B, ning dakbayan.
Giila ang suspek nga usa ka alyas “Balong”, 42 anyos, walay trabaho, ug residente sa susumang dapit. Nadakpan si alyas balong human positibo kining napalitan sa nagpakaaron ingnong buyer og usa ka pakete nga dunay unod sa gituohang shabu bugti sa Php 6,000 buy bust money. Sa dihang nakamatikod ang suspek nga usa diay ka pulis ang ka transaksyon niini, gilayon kining mibunot sa iyang revolver gikan sa iyang sling bag ug gipusil ang poseur buyer. Apan, paspas kini nga girespondehan sa ubang mga pulis ug nabalsan si alyas balong hinungdan nga nakahi-agum kini og samad-pinusilan .Gisulayan pa og dala ang suspek ngadto sa Southern Philippine Medica Center (SPMC) apan nakabsan na kini sa iyang kinabuhi pag-abot sa ospital.
Narekober usab sa SOCO sa crime scene ang mga ebidensya batok sa suspek sama sa .38 nga revolver nga dunay upat nga bala, sling bag, gunting, digital nga timbangan, selpon, ug uban pa. Ning kasamtangan ang mga ebidesya anaa na karon sa kustodiya sa awtoridad alang sa tukmang disposition. Gibanabanaan nga motimbang og kapin-kulang uno gramo ang nakompiska nga shabu nga mobalor sa Php 16,000.
Ning kasamtangan, nahimutang ang patayn’g lawas sa suspek sa morgue sa ospital aron nga kuhaon sa kabanay niini.
