DAVAO CITY – Gilusong sa mga sakop sa PDEA 11 ug NBI-SEMRO 11 ug kapulisan ang usa ka drug den atol sa usa ka buy-bust operation sa may Purok 36, San Agustin, Talomo Proper, Davao City, sa miaging gabii.
Gidakop ang usa ka tigpahuyot ug ilegal nga droga na si Jezrel Adlawan alyas Baki, 27 anyos ang panuigon, lineman, ug lumulupyo sa Cateel, Davao Oriental.
Napalitan gikan sa suspek ang usa ka pakete sa gidudahang shabu nga usa ka gramo ang gibughaton ug nagkantidad ug P6,000.
Samtang wala na makaikyas pa gumikan sa pagkasikop ang mga nasa sulod sa drug den nga sila Antonio Mangin Sr., Leo Alquizar Jr., Daniel Bustamante ug Alan Leal.
Nakuha sab gikan kanila ang mga drug paraphernalia, mga kwarta nga gigamit sa operasyon, ug lain pang dose gramos sa duha ka pakete nga gituohang shabu, nga mubalor sa P180,000 ang kanidad.
Tingkagol karon sa prisohan ang mga suspek nga mag-atubang ug kasong pagsupak sa Republic Act 9165 kon Comprehensive Dangerous Drugs Act of 2002.
via || Bombo LJ Florendo
