DAVAO CITY – Gipuhag sa mga pwersa sa PDEA XI – Davao del Sur Provincial Office ang usa ka drug den atol sa gikasang buy bust operation kagahapon sa buntag, Pebrero 8, ning tuiga sa Purok Yellow Bell, Barangay Tres de Mayo, Digos City, Davao del Sur.
Atol sa operasyon, positibong napitan sa poseur buyer og usa ka paketeng shabu ang target sa operasyon nga giilang si Marjon Masaglang alyas Boss, 35-anyos.
Nasakpan sab ang laing unom ka bisita sa maong drug den kinsa naaktuhan nga nagpahigayon og shabu session nga sila si Ariel Dosdos, Riza Mae Engco, Lara Mae Lacao, Dionaldo Mamalias Jr., Brian Jay Semborio, ug John Paul Zamora.
Unom ka pakete sa gituohang shabu ang nasakmit gikan sa dinakpan nga nagtimbang og 14 gramos ug adunay kantidad nga P95,200, nagkadaiyang drug paraphernalia, ug buy-bust marked money.
Giandam na ang kasong RA 9165 o Comprehensive Dangerous Drugs Act of 2002 batok sa mga dinakpan.
via || Bombo BCA
