DAVAO CITY – Kumpiskado ang anaa sa kapin P231,000 nga kantidad sa shabu sulod sa drug den sa 354-A, Sta. Monica Street, Purok Sto. Nino, Buhangin, Davao City.
Sigun sa report, naglusad og buy bust operation ang mga pwersa sa PDEA Regional Special Enforcement Team, NBI SEMRO ug Talomo Police Station niadtong Enero 30 sa gabii.
Tumong sa maong buy-bust nga puhagon ang drug den nga gipahimuy-an sa usa ka Jay Cal alyas Jay, 49 anyos, ug residente sa susamang dapit. Positibong napalitan ang suspek sa nagpailang buyer og usa ka sachet sa gituohang shabu sa kantidad nga 6 mil pesos.
Samtang nasikop sab ang mga bisita sa drug den nga giilang sila Joel Cal ug Cesar Ang. Nakumpiska gikan sa maong lawak ang unom ka pakete sa gidudahang shabu nga dunay kapin kon kulang nga 15 gramos ang gibughaton ug nagkantidad og P231,000.
Tanggong sa selda ang mga dinakpan nga mag-atubang ug kasong paglapas sa Republic Act 9165 or The Comprehensive Dangerous Drugs Act of 2002.
via || Bombo LJF
