DAVAO CITY- Dakpan ang tulo ka mga indibidwal nga gipangunahan sa usa ka OFW atol sa gilusad nga drug buy-bust operation sa PDEA ug NBI sulod sa sumala pa drugden sa Brgy. Talomo Proper ning dakbayan sa Davao.
Subay sa report sa mga otoridad, pasado alas kuatro, Hwebes sa hapon gilusad ang operasyon sulod sa Talomo Duplex Compound. Sumala pa ni DIR III NARAVY D DUQUIATAN, Regional Director, PDEA Regional Office XI nga ang target sa buy-bust operation si Divine Grace Aparis Bernadas, 41 anyos, usa ka Overseas Filipino Worker ug residente sa nasampit nga lugar.
Napalitan sumala pa ang nahisgutan ug usa ka pakete sa iligal nga droga kon shabu nga nagkantiadad ug Php 6,000.nga mitimbang ug usa ka gramo.
Samtang dakpan sab ang usa ka Erwin Rey Tianero, ang drug den employee sa target ug sikop sab ang drug den visitor nga si Manuel Navarro.
Nakumpiska sa mga nahsigutan ang (15) kinsi ka mga pakete sa iligal nga droga kon shabu nga managlahing gidak-on nga mitimbang kini ug 55 grams nga adunay street value nga mokabat sa Php 374,000.
Samtang adunay upat usab ka mga pakete nga adunay residue sa iligal nga droga ang nakumpiska.
Sa karon ang mga dinakpan ang paskahan kini ug kaso nga pagsupak sa RA 9165.
