Mipahigayon ang Davao Occidental ug Davao del Norte Provincial Offices sa Philippine Drug Enforcement Agency Regional Office 11, uban sa koordinasyon sa Asuncion Municipal Police Station, kabahin sa operasyon nga may kalabutan sa usa ka drug den sa Purok 1, Barangay New Bantayan, nga miresulta sa pagkadakop sa upat (4) ka mga suspek sa iligal nga droga.
Gilusad ang operasyon pasado alas 11:32 sa gabii nga ang nag-unang target sa anti-drug operation nga nailhan sa alyas Jocelyn, 29 anyos, ug giingong tigpatigayon sa drug den, nadakpan kini human napalitan og usa (1) ka sachet nga gituohang shabu nga adunay gibug-aton nga usa (1) ka gramo ngadto sa usa ka undercover nga PDEA agent.
Nadakpan usab sila alyas Gina ug alyas Lyca, nga giingong mga empleyado sa drug den, ug usa ka bisita sa drug den nga nailhan sa alyas Dominador.
Nakumpiska sa operasyon ang tulo (3) ka heat-sealed transparent plastic sachets nga adunay gituohang shabu nga adunay gibug-aton nga 17 ka gramos nga adunay gibana-banaan nga nagkantidad og ₱115,600, uban sa nagkalain-laing drug paraphernalia ug ang marked buy-bust money.
Ang mga suspek pasakahan og kaso ilawom sa Republic Act 9165, o ang Comprehensive Dangerous Drugs Act of 2002.
