Padayon karon ang pagpahilabo sa Public Safety and Security Office (PSSO) kalabot sa pagpatuman sa Drone Regulation Ordinance.
Sumala pa ni Angel Sumagaysay, hepe sa PSSO, nga bisan wala pa ang implementing rules and regulations niini, laraw niining mapaabot sa publiko ang maong ordinansa hilabi pa sa mga event organizers.
Subay sa maong ordinansa, ang tannag remotely Piloted Aerial Systems, Unmanned Aerial Vehicles, ug Remotely Piloted Aerial Units ug drones ang adunay 7 kilos paubos nga gimbug-aton ang kinahanglan iparehistro sa maong buhatan.
Samtang alang usab sa mga drones nga adunay 7 kilos pataas nga gimbug-aton ang kinahanglan iparehistro sa Civil Aviation Authority of the Philippines.
Subay sa maong ordinansa, adunay multang P3,000 alang sa first offense ang kinsa mang magpalupad sa gidili nga mga lugar ug P5,000 sab alang sa second offense lakip na ang pagkumpiska niini.
