DAVAO CITY – Laoman sumala pa nga mapadali na matud pa ang pagpagawas ug resulta sa mga Coronavirus Disease 2019 (Covid-19) sa Davao Region human nga nahatagan ug lisensiya ang Davao Regional Medical Center (DRMC) sa Tagum City, Davao del Norte, aron nga mamahimong testing laboratory sa rehiyon.
Sa pahayag nga gipagula sa Department of Health (DOH) 11, ang DRMC ang ikaduhang testing center sa tibuok rehiyon gawas sa Southern Philippines Medical Center (SPMC).
Dili na sab kinahanglan nga ipadala sa mga kasikbit nga probinsiya ang ilang mga swab samples sa Research Institute for Tropical Medicine (RITM) sa Metro Manila ug SPMC sa Davao City tungod sa bag-ong laboratoryo. Mas sayo na sab ang pagpagawas sa resulta sa mga indibidwal nga gikatahapan nga suspected Covid-19 patients sa ilang lugar.
Migamit ug Rapid Polymerase Chain Reaction (PCR) (Xpert Xpress SARS-CoV-2) testing ang maong laboratoryo pinasi8kad na sab sa World Health Organization (WHO) standards.
