DAVAO CITY – Gihikay na sa Talomo Police Station ang kaso nga ipasaka batok sa driver sa nawad-an ug kontrol nga wing van nga si Joel Aras, 36 anyos.
Kasong reckless imprudence resulting to Multiple Homicide, physical injuries and Damage to properties.
Kahinumduman nga kagahapon sa mga alas 9:30 sa buntag lupig pa’y nagpakaras si Aras nga ang tanan nga madasmagan nga mga sakyanan mangalupyak gayud sa kabug-at sa iyang karga nga bugas.
Napulo ka mga tawo ang gikatala nga patay nga ang pinakabata tres anyos u gang pinakatigulang 62 anyos.
Nabiktima ni Aras ang mga mahalon nga mga sakyanan hangtud na sa inquest proceedings ang wing van driver.
Okopado karon ang kapolisan sa pag-asikaso sa mga dokumento, mga ebedensya, lakip na ang mga affidavit sa mga saksi sa desgrasya ug sa mga na-agrabyado nga mga pamilya.