DAVAO CITY – Pasakahan na ug kaso ang driver sa dump truck nga nakaligis patay sa usa ka 41 anyos nga lalaki.
Gikanayong natulog lamang daplin sa naka-parking nga truck sa Kilometer 9 Sasa ning siyudad ang usa ka Jojie Avilar, lumad nga taga Bukidnon dihang nalatayan kini sa truck nga gimaneho ni alyas Rolando, 30 anyos.
Human ang maong insidente, gilayon nga nakabsan sa iyang kinabuhi ang biktima.
Kalakip sa giimbitahan sa otoridad alang sa dugang imbestigasyon ang kaubanan sa maong driver nga sila si Reynaldo Cañada Navares, 23 anyos, ug Felizardo Porsuelo, 25 anyos ingon man ang witness nga si Alyas Micheal.
Gipahiluna ang patay’ng lawas sa biktima sa usa ka lokal nga punerarya ning siyudad.
Gihulat na lamang sa mga dinakpan ang mosunod nga kamandoan sa korte.
