Gipagawas na sa mga awtoridad ang pangalan sa driver sa Tesla Cybertruck nga mibusikad sa gawas nga bahin sa Trump International Hotel sa Las Vegas.
Giila ang nahisgutan nga si Matthew Alan Levelsberger nga usa ka active-duty sa US Army Green Beret.
Ang suspek ang usa ka Army Special Forces operations master sergeant nga usa ka senior enlisted rank.
Nahimong active duty kini sa Germany sa 10th Special Forces Group apan kini ang naka-on leave sa dihang nahitabo ang insidente.
Gipahayag sa US Army nga namatay sa pagbusikad sa truck si Livelsberger apan wala na sila mihatag pa ug dugang inpormasyon.
Mitabang na usab ang US Army sa mga awtoridad nga mihimo sa imbestigasyon sa panghitabo.
Kahinumduman nga nasamdan ang pito ka tawo gumikan sa pagbusikad ug na-detonate dayon sa awtoridad ang mga fireworks, gas tanks ug camping fuels nga gibutang sa truck.
Padayon usab gipakisayran sa mga awtoridad kung ang nahisgutang panghitabo ang adunay kalabutan sa terorismo.
