DAVAO CITY – Pasakahan na ug kaso sa korte ang duruha ka mga lalaki nga susamang nalambigit sa ginadili nga droga.
Kahinumduman nga una ng nadakpan ang usa ka drayber sa ambulansya sa Davao Occidental sa gilusad nga operasyon sa sa Barangay Caburan sa nahisgutan nga lalawigan.
Naila ang dinakpan nga si Lovello Rondina, alyas Lab-Lab, 40, government employee. Wala nay nahimo ang nahisgutan dihang gisikop kini sa mga sakop sa Philippine Drug Enforcement Agency (PDEA)-Davao.
Nakuha sa iyang posisyon ang duruha ka gramos sa shabu nga mobalor ug P15,000. Samtang nadakpan sab sa otoridad ang usa ka Reden Caturan, alyas Reden, 27, residente sa Barangay Basiawan, Sta. Maria, Davao Occidental. Giila sa PDEA-Davao si Rondina isip high-value target gumikan kay usa kini ka drayber sa ambulansya sa gobyerno.
Susama karon nga gipangpaslak sa presohan ang duruha ug naghulat na lamang sa mosunod nga kamandoan sa korte.
