DAVAO CITY – Gibutyag ni Dr. Ashley Lopez, head sa City Health Office (CHO) nga gitun-an pa lamang karon ang sugyot nga mohimo ang driver ug pag-scan sa QR code sa ilang mga pasahero.
Kahinumduman nga daghanang mga drivers ang dili uyon sa maong lakang sanglit hasol na kini sa ilahang bahin ilabi na mag-asikaso pa sa ilang mga pasakyon nga mga pasahero.
Hinuon andam sumala pa sila mga motamud kung kini ang pagbuot sa kagamhanan.
Apan gibutyag ni Dr. Lopez nga ila pang gisubay karon kung taas ang transmission rate sa mga pampublikong sakyanan.
Kinahanglan sumala pa nga mokuha ug dugang nga data ayha nila hingpit nga ipatuman ang nahisgutan nga lakang kini aron masiguro nga han-ay kini ug walay mamahimong problema tali sa mga commuters ug driver.
