Patay ang usa ka drayber sa motorsiklo human nga nadisgrasya sa Malagamot Road, Barangay Panacan, ning dakbayan sa Davao kagabii.
Subay sa report sa kapulisan, giila ang biktima nga si alyas “Rene”, hamtong ang pangidaron nga nagpuyo sa Barangay Ilang ning syudad.
Sa inisyal nga imbistigasyon sa kapulisan, anaa sumala pa sa outer lane ang biktima nga sakay sa pula nga nga motorsiklo samtang dungan niini ang usa ka usa ka kolor blue nga Fuso tractor head nga anaa sa inner lane nga nag-guyod og trailer truck, nga gimaneho sa 35 anyos nga lalaki nga si “Julie” nga residente sa Barangay Tibungco, ning dakbayan.
Sumala pa nga samtang nagpadayon sa pagbyahe kalit lang mga misulod sa inner lane ang biktima tungod nababagan ang iyahang gisubay nga dalan sa usa ka truck nga naka-parking.
Gumikan niini,nabangga ang wala nga bahin sa motorsiklo sa tuo nga bahin sa Fuso tractor, hinungdan nga natumba ug nalabay ang biktima sa karsada nga miresulta usab sa iyahang kamatayon tungod sa mga bun-og ug samad nga nahiaguman sa biktima.
Sa pagkakaton, padayon nga nagpahinumdom ang mga awtoridad sa tanang motorista nga sundon ang hustong mga lagda sa pagparada ug mag-amping kanunay, ilabi na sa mga busy nga kalsada, aron malikayan ang susamang panghitabo.
