Pasakahan og kaso ang drayber sa kasong Direct Assault ug Art. 151 o Resistance and Dsobedience to a Person in Authority human sa iyanhang pagpanumbag sa police auxilliary kagahapon sa udto.
Sa karon, tingkagol na sa prisohan ang usa ka drayber sa usa ka motor nga si alyas “Lito”, 39-anyos nga residente sa NHA Buhangin, dakbayan sa Davao.
Sumala pa sa gihimong imbestigasyon sa kapulisan, pasado alas 12:00 sa udto, December 29, 2025, nagpatrolya ang kapulisan sa Blk. 36, NHA Buhangin apan nakita ang suspek nga nagmotor nga dunay duha ka mga angkas nga walay suot nga helmet ug nag-wati-wati ang pagpadagan hinungdan nga gipahunong kini.
Apan wala makig-cooperate sa tambag nga pasakyon nalang sila og tricycle alang sa ilang kaluwasan, hinuon nasuko kini ug gisumbag ang police auxiliary nga naigo sa dughan uban ang pagpanghagit og sumbagay.
Gipangayoan usab kini og OR/CR ug lisensya sa pulis, apan sumala pa nagyawyaw hinuon kini ug giwakli ang kamot sa nirespondeng pulis rason nga gilayon kining giaresto.
