Buot karon nga masuta sa mga otoridad ang tinubdan sa usa ka video nga nag-viral nga kabahin sa usa ka Police Mobile nga nag U-Turn sa Bajada ning syudad bisan og adunay nakabutang nga signage nga kini ang gidili.
Ilabi pa nga makita sa video ang double solid lines nga hugot kining gidili sa balaod trapiko ang pag-U-turn.
Sumala pa sa tigpamaba sa DCPO nga si PCpt. Hazel Tuazon nga ilaha karon nga sutaon kung kinsa ang nagkuha sa video tungod buot niining masayran kung ang drayber ba ang nagkuha sa footage.
Dugang pa sa opisyal nga kung mapamatud-an nga ang drayber ang nagkuha sa maong video angayan lamang nga mapahamtangan usab kini og silot tungod gidili usab kini sa balaod trapiko.
Sumala pa ni Caballero- Tuazon nga adunay kasupakan sa balaod nga RA 10913, kon Anti-Distracted Driving Act prohibits kabahin sa paggamit sa mga mobile communication devices samtang nagmaneho.
Ang mga mapamatud-an ang mamultahan og five thousand pesos (Php5,000)alang sa first offense, ten thousand pesos (Php10,000) alang sa second offense, ug fifteen thousand pesos (Php15,000) alang sa third offense nga adunay three-month suspension sa driver’s license”.
Samtang sa laing bahin, paimbistigahan na usab karon ni DCPO Dir. Col. Hansel Marantan ang gihimong pag-U-turn sa mga nahisgutan nga kini ang dakong kasupakan sa balaod.
Sumala pa ni Marantan nga ang kapulisan angayan nga maoy modelo kabahin sa pagpatuman sa balaod.
