DAVAO CITY – Usa ka modus nga giilang “Hold Up Me” ang gibuak sa mga sakop sa Maa Police human nasikop ang nalambigit niining usa ka 30 anyos nga taxi driver nga si Mark Anthony Cabillon.
Subay sa imbestigastyon, nidangop ang taxi driver sa istasyon sa pulis sa alesyong gi-hold up daw siya sa duha ka wa mailhing pasahero sa dihang nagmaneho siya sa iyang taxi.
Nagpahatud ang duha ka nahisgutang pasahero paingon Barangay Magtuod ug Barangay Magtuod ug matod pa, nanulis kini ug gikuha ang kita sa gimanehong taxi nga nagkantidad ug kapin P3,700.
Apan sa tunga sa imbestigasyon, gibawi sa taxi driver ang maong alegasyon ug nitug-ang walay kamatuoran ang tanan.
Nagtug-an sab kini nga gihurot ang tanang kita sa pagpamasada sa sugal.
Ginahikay na karon ang kasong ipasang-at ngadto sa maong drayber samtang gitanggong karon sa Maa Police Station ang maong suspek.
via || Bombo LJ Florendo
