DAVAO CITY – Gikanayon ni Davao City Disaster Risk Reduction Management Council (CDRRMC) operation officer Rodrigo Bustillo nga suliran pa gihapon sa dakbayan ang drainage system hinungdan nga daghanan pa gihapon sa mga lugar sa siyudad ilabi na sa sentrong bahin ang bahaon panahon nga mobundak ang ulan.
Tipik lamang ang pahayag sa opisyal human nga gibaha na sab ang siyudad dihang nasinatian ang kusog nga ulan niining milabay nga gabii nga maoy hinungdan nga daghanang mga pasahero ang stranded.
Usa sab sa gitudlong suliran sa opisyal ang gitukod nga mga gambalay ug istraktura nga anaa kilid o ibabaw sa kanal nga maoy hinungdan nga apektado ang dagan sa tubig baha.
Kahinumduman nga atol usab sa kusog nga ulan, adunay pipila ka mga billeting quarters sa mga atleta sa palarong pambansa ang gibaha apan paspas sab kini nga nahubas.
