Gi-acquit o gipasaylo na sa korte ang kontrobersiyal nga drag queen nga si “Pura Luka Vega” o Amadeus Fernando Pugante, mahitungod sa kasong gilapas niini nga mao ang Cybercrime Prevention Act (Republic Act 10175) tungod sa iyahang gihimong kontrobersiyal nga performance sa “Ama Namin.”
Subay sa 20-ka panid nga desisyon ni Presiding Judge Czarina Samonte-Villanueva sa Manila Regional Trial Court (RTC) Branch 184, na-acquit si Pura Luka Vega tungod sa kakulang sa ebidensya nga magpamatood nga nakahimo siya og krimen sa maong performance.
Ang kaso gisang-at batok kaniya sa Social Media Broadcasters ng Pilipinas Inc. (KSMBPI) nga misupak sa iyang performance diin iyang gigamit ang pag-ampo nga “Ama Namin” samtang nagsul-ob og costume nga susama sa “Nazareno.”
Mao kini ang desisyon sa korte;
“WHEREFORE, premises considered, for failure of the prosecution to establish guilt beyond reasonable doubt, Amadeus Fernando Pagente, also known as Pura Luka Vega, is hereby ACQUITTED…”
