Gipahibalo ni Department of Public Works and Highways (DPWH XI) Spokesperson Dean Ortiz ang bahin sa kontrobersyal nga pagbalbag sa kalsada sa National Highway, Visayan Village, Tagum City.
Sumala pa niini, nga nakapahingangha ang maong pagbalbag gumikan ang maong kalsada wala pa miagi og kadaut o naguba nga maoy rason sa pag-ayo o pagbalbag niini.
Giingon ni Ortiz nga wala pa’y klarong hinungdan nganong gibuhat ang pagbalbag samtang ang dalan nagpabilin nga anaa pa sa maayong kondisyon.
Gipahibalo usab niya nga maghimo og imbestigasyon karun ang DPWH aron masuta ang tinuod nga rason ug katuyoan sa pagbalbag sa maong kalsada.
Gisiguro sab niini nga ang ahensya magapadayon sa maayong pagdumala ug pagmintinar sa mga kalsada aron mapalig-on ang seguridad ug kahapsay sa mga motorista ug mga lumulupyo sa maong dapit.
Sa pagkakaron, nagpadayon pa ang pagsusi ug koordinasyon sa lokal nga gobyerno ug sa DPWH alang sa tukmang lakang aron masulbad ang isyu sa pagbalbag sa kalsada sa Visayan Village.
