DAVAO CITY – Gipaspasan na sa DPWH 11 ang pag-ayo sa mga kadalanan nga latason sa mga atleta sa ipahigayong Ironman 70.3 dinhi sa Davao City.
Sumala pa ni DPWH 11 Spokesperson Dean Ortiz, finishing touches na lamang ang ginahimo sa ubang mga dalan nga gina-repair sa ruta gikan Davao City paingon Tagum City, Davao del Norte.
Samtang gipapaspasan na sab ang patching sa mga gaps sa dalan aron dili madisgrasya ang mga musalmot ilabi na sa bike course.
Sa pikas bahin, nagpahuinumdom si Davao City Police Office spokesperson PMAJ Catherine Dela Rey ngadto sa mga sibilyan nanag-iya og mga lisensyadong armas alang sa suspensyon sa Permit to Carry Firearms Outside of Residence sa Davao Region nunot sa ipahigayong international triathlon event.
Nagasugod na kaniadtong Marso 20 ang maong suspensyon nga mulungtad og 12 ka adlaw. Dugang pa sa opisyal, bugtong mga opisyales lamang sa PNP, AFP ug ubang law enforcement agencies nga on duty ug naka-uniform ang ginatugotan nga magdala og firearms atol sa maong mga adlaw.
Busa, pakusgan ug dugangan pa sa PRO 11 ang mga checkpoints sa mga utlanan sa rehiyon aron malikayan ang mga insidente sa gubat dungan sa pagpahigayon sa maong adlaw.
via || Bombo LJF
