Gimanduan ni Pang. Ferdinand Marcos Jr. si DPWH Sec. Vince Dizon, nga magpahigayon og inspeksyon sa Kalayaan Island Group (KIG) sa West Philippine Sea.
Ang maong direktiba gisunod sa pag-abri sa Kalayaan Municipal Tourism Office og mga tour package karong bulana.
Tumong sa Pangulo nga makita sa Kalihim ang posibilidad sa pagtukod og mga tugpahanan ug pantalan aron mas mapalambo pa ang turismo sa lugar.
Gikompirma ni usab ni Atty. Claire Castro, Presidential Communications Undersecretary, nga naghatag na og pahayag ang Pangulo sa Kalihim kabahin sa maong isyu.
Nasayran nga ang munisipalidad sa Kalayaan natukod tungod sa KIG ubos sa probinsya sa Palawan pinaagi sa usa ka presidential decree nga gipagawas kaniadto ni Ferdinand Marcos Sr. niadtong 1978.
