DAVAO CITY – Nakiglambigit na karon ang ahensiya sa Department of Public Works and Highways (DPWH) ngadto na sa mga kapulisan ingon man contractor sa coastal road kini arun masiguro nga mapugngan ang mga natalang pagpangawat ug bakal sa construction sites.
Gikanayong sagad sa mga ginakawat ang gilangkuban sa krudo, kable ug bakal ang ginakuha sa mga kawatan.
Gikanayong sukad pa bulan sa Pebrero dihang nauso ang pagpangawat sa gitukod nga proyekto.
Aduna matud pay panahon nga madelatar sa ilang trabaho ang mga contractor gumikan sa gipangkawat nga mga mateyarles.
Sumala sa mga security guard, aduna na silay nasikop nga nangawat ug krudo sa mga ekipo sa construction sites apan pipila niini ang mga gahi matud pa ug ulo ug mubalik pa gihapon sa lugar.
Una niini, okupado ang DPWH sa padayon nga konstruksiyon sa tulay arun nga mahuman gilayon kini sa gitakda nga panahon.
Sagad sab sumala pa nga mugara ang mga kawatan panahon sa tungagng kagabhi-on ug kaadlawon ug tungod sa kalapad sa lugar, dili masubay sa security guard ang tanan nga area.
Nasayran nga sagad sa mga bakal nga mawala ang nahimutang sumala pa sa may area diin adunay nanimuyo nga mga bagjao.
Una ng nasayran nga bulan pa sa Pebrero niining kasamtangan nga tuig dihang nagsugod ang sagunson nga pagpangawat sa lugar.
Sa kasamtangan gi-doble na sa mga security guard ang ilang pagpatrolya sa maong dapit arun lamang masiguro nga dili na makapahimulos ang mga hilabtunon sa lugar.
