DAVAO CITY – Nangayo ug dispensa ang Department of Public Works and Highways (DPWH)-11 ngadto sa publiko ingon man sa mga motorista sa disturbo nga gihatud sa nagpadayon nga road construction sa siyudad partikular na sa San Pedro St. ingon man sa C. Bangoy St. diin gitamnan na lamang ug gulay ang dalan.
Sumala pa kang DPWH spokesperson Dean Ortiz nga sa bulan sa Hulyo ning kasamtangan nga tuig laoman nga matapos na ang nahisgutan nga dalan.
Gikanayong adunay pipila ka mga nabag-o sa orihinal nga plano hinungdan nga nalangay ang konstruksiyon niini.
Nakadugang sab sumala pa niini ang kalit nga pagbag-o sa panahon sama na lamang sa kusog nga pag-ulan.
Gidungagan sab sumala pa nila ug drainage ang nahisgutan nga dalan kini aron nga mahatagan sumala pa ug kasulbaran ang masinatian nga pagbaha panahon nga mobundak ang kusog nga ulan.
