DAVAO CITY – Gibutyag ni Department of Public Works and Highways (DPWH) XI Spokesperson Dean Ortiz nga andam na ang himuong inagurasyon alang sa proyektong first section sa davao city coastal road.
Diin gikatakdang abrihan na kini sa publiko apan gitino ni Ortiz nga wala pay gipagawas ang DPWH nga insaktong petsa kanus-a gayud paagian sa mga motorista ang Talomo-Bago Aplaya nga portion sa coastal road.
Hinuon gipaniguro sa DPWH 11 nga ayha mahuman ang first quarter karong tuiga ipahigayon na ang innaguration sa nahisgutang kalsada.
Gawas niini, nahuman na sab ang 2.3 kilometro nga 4 lane nga kalsada ug naplastar na usab ang tanang mga poste ug nahuman na usab ang bike lanes.
Tungod niini, gibutyag ni Ortiz nga andam na ang himuong inagurasyon sa maong proyekto. Dugang pa ni Ortiz nga naa na sa 36.8% sa kinatibuk-ang proyekto ug gilauman nga mahuman kini sa tuig 2023.
Ang 18.50 km nga davao city coastal road project ang adunay 19.8 billion pesos ng budget diin isugdan niadtong tuig 2017.
Kahinumduman nga niadtong milabay nga tuig target unta sa DPWH nga mahuman ang proyekto apan kini ang nalangay gumikan sa mga corrections ug finishing touches.
Tumong sa nahisgutang proyekto nga makuhaan ug dul-an 30 minuto ang travel time sa mga mobyahe gikan junction davao – cotabatp road paingon sa R Castillo ning syudad.
