DAVAO CITY – Hingpit na nga gi-terminate sa Department of Public Works and Highways (DPWH)-Davao Region ang kontrobersiyal nga P1-billion road infrastructure project diin kalakip niini ang road widening sa MacArthur Highway ug construction sa Ma-a Flyover human nga daghanang mga business sector ug environmental groups ang mibabag niini.
Sumala pa kang DPWH-Davao spokesperson Dean Ortiz, gipahibalo na ang ilang buhatan ni Mayor Sara Duterte nga dili na mahinayon ang maong proyekto sa MacArthur Highway nga gikanayong solusyon unta sa nagkagrabe nga suliran sa trapiko sa siyudad.
Gitataw sab ni Ortiz nga kung ipadayon ang major road project, kinahanglan kini ug massive work, ilabi na ang pagbalhin sa linya sa kuryente ingon man water pipes sa Davao City Water District.
Laoman sab sumala pa nga maparalisa ug adunay interruptions sa mga basic utilities sa siyudad.
Sa milabay nga tuig, usa si Mayor Sara Duterte ug uban pang environmental groups ang mibabag sa road widening project sa MacArthur Highway gumikan kay kinahanglan sumala pa nga pamutlon ang 70 year old nga mga punoan sa kahoy nga nagbarug sa gawas sa usa ka tulonghaan sa Matina.
Gikanayong sakop sa road-widening project ang Sandawa paingon sa Tulip Drive Junction nga gikatakda unta nga itukod alang sa pagpangandam sa P600-million, 1.7-kilometer Ma-a Flyover project karong tuiga.
