DAVAO CITY – Human nga nakompleto ang 904 ka mga road projects sa tuig 2021, gikanayon sa ahensiya sa Department of Public Works and Highways Davao Region (DPWH-11) nga aduna silay 431 ka mga ongoing road projects ug 172 ang wala pa nasugdan.
Sumala pa kang DPWH-11 spokesperson Dean Ortiz nga tanan 603 projects ang gikatakdang matapos sulod karung tuiga kalakip na ang flood prevention infrastructures.
Gikanayong kalakip sa road projects ang flood prevention strategies arun nga masiguro ang kalidad ug malungtarun nga resulta. Gikonsidera sab sa ahensiya ang pagpalapad sa mga canal alang sa flood control measures human usab ang nasinatian nga pagbaha sa pipila ka mga areas sa rehiyon sa milabay nga semana.
Gikanayon sab sa DPWH-11 nga aduna na silay accomplishment nga 1,294 lineal meters sa drainage sa rehiyon ug daghanan pa nga mga proyekto nga natapos.
Palambuon sab sa ahensiya ang connectivity sa mga kadalanan sa Davao Region diin gilangkuban kini sa Tagum Flyover Project nga giilang longest flyover sa Mindanao ug usa ka kilometro sa Tagum City, Davao del Norte.
