-- ADVERTISEMENT --
DAVAO CITY – Gipasalig sa Department of Public Works and Highways (DPWH) Eleven nga matukod ang temporaryo nga tulay nga nahugno atol sa miigo nga pagbaha sa Matina Pangi niining milabay nga Biernes.
Una nang gipahayag ni DPWH-11 Spokesman Den Ortiz ang pagmugna sa bag-ong tulay kabahin sa P140 milyones ka pesos nga road improvement.
Dugang pa ni Ortiz nga upat ka lane ang tulay ug magsilbe kini nga alternatibo nga rota padulong sa Catalunan Grande.
Gumikan sa pagkahugno sa tulay ang foot bridge lamang una ang gina-agi-an sa mga tawo sa lugar.
Nasuta sa DPWH nga naanod ang temporary bridge human nga nahugmak ang overflow bridge gumikan kay nasap-ongan ug mga gapnod, ug troso ang inlet sa culvert ilalum niini.
-- ADVERTISEMENT --
