DAVAO CITY – Hatagan gilayon ug aksiyon sa ahensiya sa Department of Public Works and Highways (DPWH)-11 ang suliran sa pagbaha sa Sirawan Checkpoint sa Toril ning siyudad.
Kahinumduman nga matag mobundak ang kusog nga ulan sa bukiran nga bahin sa Catigan sa Toril, diretso ang tubig niini paingon sa TFD checkpoint hinungdan nga masinatian sa lugar sa national highway ang grabe nga mga pagbaha.
Una ng nasayran nga adunay gihimong kongkreto nga kanal sa lugar nga nanukad sa bukiron nga bahin sa Catigan hinungdan nga diretso paubos ang tubig dili sama kaniadto nga mopaingon lamang sa sapa ang tubig sa higayon nga mobundak ang kusog nga ulan.
Sumala pa kang DPWH spokesperson Dean Ortiz, nga anaa sa P2.7 million pesos ang gi-alokar sa ahensiya aron nga mas mapalambo pa ang drainage system sa lugar.
Pinaagi sumala pa niini mamahimong mapugngan o ma-drain na ang tubig nga gikan sa babaw nga bahin panahon nga mobundak ang ulan ug dili na kini moabot sa ubos nga bahin.
