DAVAO CITY – Nigahin ang Department of Transportation (DOTr) og kinatibuk-ang P1.07 bilyon alang sa pagpaayo sa Davao International Airport (DIA).
Sumala kang Maria Lourdes Lim, Vice-Chairperson sa Regional Development Council (RDC), sugdan ang renovation sa aiport sa tuig 2024. Dugang pa sa opisyal, nga lakip sa rehabilitation ang pagpalapad sa passenger terminal building.
Gikanayon usab niini nga ang ahensya migahin og Php 75 milyon alang sa feasabilty ug master plan study sa expansion sa airport. Samtang, gikustodiya ang mga unsolicited proposal alang sa operation, expansion, capacity, augmentation ingon man ang operation ug maintenance sa DIA, nga gipresentar sa Chelsea Logistics and Infrastructure Holdings Corporation (CLIHC).
Samtang una na mihangyo ang nagkalain-laing tourism ug business playes sa pagpalapad sa airport, nga kasamtangan “congested” tungod sa nagkadaghang tourist arrivals sa dakbayan, ang unsolicited proposal sa CLIHC modugang sa kapasidad sa tugpahanan ngadto sa 15.5 milyones ka mga tawo, apil na sa pagdoble sa passenger terminal building.
Ang pagpalapad ngadto sa 64,800 square meters gikan sa kasamtangan nga 24,780 square meters.
Samtang ang gisugyot nga alternative sites alang sa aiport sa Davao Region nga gi-lobby sa RDC kaniadtong 2015, pabiling pending pa ug wala pay feasibility study kabahin niini.
Giila ang mga alternative sites mao ang Callawa sa Davao City, Madaum sa Tagum City, Samal Island, Sta. Maria sa Davao Occidental, ug Panabo City
