Kasamtangan nang gipangandaman sa Department of Transportation (DOTr) ang mga guidelines sa distribution sa fuel subsidy nga ipanghatag sa mamahimong maapektuhan pag-ayo sa pagsaka sa presyo sa petrolyo, gumikan sa nagkagrabeng tensyon sa Iran ug Israel.
Gipahayag ni Transportation Secretary Vince Dizon, adunay gigahin nga mukabat sa P2.5 bilyong piso sa fuel subsidies nga ihatag sa departamento.
Dugang pa niini, gi-andam na ang mga guidelines aron makakuha dayon ang mga drayber ug mga sektor nga naapektuhan pag-ayo sa pagsaka sa presyo.
Gipahayag usab ni Dizon, ang nahisgutang subsidiya ang seguradong madawat sa mga benepisyaryo niini gumikan kay dako-dako usab ang gihuptan nilang pondo alang usab niini.
Samtang mihangyo usab ang Department of Energy (DOE) sa mga oil companies nga hatagan ug bisan gamay nga discounts ang mga drayber aron malikayan na usab ang pagtaas sa pletihan.
