Plano sa Department of Transportation (DOTr) nga mag-apod-apod og 100 kabuok nga Beep Cards na puti matag adlaw sa tanang train stations sa nasud alang sa mga estudyante, senior citizens, ug persons with disability (PWD).
Ang Beep Card usa ka reloadable nga stored-value smart card nga gigamit sa tren, bus, ug uban pang pampublikong sakyanan isip bayad sa plete pinaagi sa “tap-and-go” nga sistema.
Ang maong puti nga Beep Cards gi-programa aron awtomatikong maghatag og 50 porsyento nga diskuwento sa pamasahe.
Naka-imprinta usab niini ang ngalan sa commuter ug mahimong makuha lamang kung magpasa og dokumento nga nagpamatuod nga sila estudyante, PWD, o senior citizen.
Tumong sa plano nga mas himoon nga hapsay ug paspas ang proseso sa aplikasyon.
Ang tanan nga interesado nga makadawat sa puti nga Beep Cards gikinahanglan nga mosunod sa linya sa mga estasyon diin ipatuman kini, pinaagi sa “First come, first served” nga pamaagi.
Kung mahurot ang gihatag nga mga cards, pwede nga i-refer ang uban nga aplikante ngadto sa laing station.
Gipasabot sa DOTr nga libre silang pasakyon sa tren aron makaadto sa dapit kung diin asa sila mokuha sa susamang card.
