Pagatun-an na ni Tourism Secretary Christina Garcia Frasco ang deregulation sa industriya sa mga eroplano sa nasud.
Gisundan kini sa mga reklamo nga iyahang nadawat nga sobra kataas ang pamasahe sa eroplano padulong sa mga tourist destination sulod sa nasud kung itandi sa airfare padulong sa ubang mga nasud sa Asya.
Dugang pa, ang airline industry na-deregulate na kaniadto pinaagi sa usa ka executive order sukad pa niadtong 2011.
Nahangyo usab ang Department of Tourism sa Civil Aeronautics Board (CAB) nga magpresenta og binulan nga ticket pricing alang sa mga eroplano.
Una nang gipaklaro sa CAB nga ang taas nga pamasahe sa eroplano naggikan sa nagkadaiyang travel agencies sa nasud nga nagtanyag og mga biyahe padulong sa lokal nga mga tourist destination.
