DAVAO CITY – Giimbetahan sa regional office sa Department of Tourism (DOT)-Davao ang mga foreign vloggers nga makighiusa sa Visit Davao Fun Sale (VDSF) sa Abril 16 hangtud Mayo 31.
Atol sa official kick-off sa VDSF kagahapong adlawa, gikanayong ni DOT-Davao regional director Roberto Alabado III, pipila sa ilang mga giimbetahan mao ang mga vloggers nga gikan sa Japan, Korea, ug Singapore kini aron nga masinatian sa mga nahisgutan ang maong aktibidad.
Naglaom ang opisyal nga unta ma-impluwensiyahan sa mga vloggers ang ilang mga followers nga usa ka dakong tabang aron nga mas molambo sumala pa ang turismo sa rehiyon.
Samtang nanawagan sab si Benjie Lizada, chair sa Davao fun sale executive committee, ngadto sa katawhan nga i-highlight ang pulong nga “Davao” sa higayon nga mag-post sa social media ug mga lugar ingon man adventure sites s siyudad ug sa tibuok rehiyon.
Sa nahisgutan nga pamaagi, mas ma-highlight matud pa ang kaanindot sa Davao.
