DAVAO CITY – Gikalipay ni Department of Tourism (DOT)-Davao regional director Tanya Rabat-Tan ang nahimong lakang sa dakbayan sa Davao nga tangtangon na ang tanan nga mga coronavirus disease (COVID-19) restrictions arun nga matabangan ang pagtabang sa tourism industry nga grabeng naapektohan sa pandemiya.
Kahinumduman nga una ng gipagula sa dakbayan ang Executive Order No. 11 nga isyu ni Mayor Sara Duterte diin tugtan na ang tanan nga mga negosyo, buhatan ug establisyemento nga mag-operate ilalom sa pre-pandemic capacity.
Naglaum si Tan nga pinaagi sa nahisgutan nga lakang, musaka pa ang ihap sa mga turista nga mubisita ug mahibalik na ang pagpahigayon sa meetings, incentives, conferences, and exhibitions (MICE) sa dakbayan.
Gikanayong ayha ang pandemiya, sagad ginadagsa ang dakbayan ug mga local ug foreign visitors gumikan kay nag-una kini nga destinasyon alang sa MICE activities.
Bisan nga luuag na matud pa ang community restrictions, gipahimangnoan pa gihapon ang mga tourism establishments nga ipadayon ang pagpatuman sa minimum public health standards arun nga mapabilin ang maayong panglawas dili lamang sa mga bisita kung dili lakip na sa tourism workforce.
