DAVAO CITY – Giproklama sa Department of Science and Technology (DOST) ang tulo ka mga mananaug sa gipahigayon nga 2017 Regional Invention Contests and Exhibits (Rice) Davao Region niining milabay nga adlaw diin ang mga nahisgutan mamahimong i-compete sa National Invention Contest and Exhibits (Nice) sa mosunod nga tuig.
Gikanayong ang Rice usa ka regional competition nga nagsugod kaniadtong 2011, diin gi-awhag niini ang publiko ug pribadong sektor nga mga inventors ug researchers nga ipakita ang ilang mga imbensiyon, ingenuity, ug creativity.
Ang kompetisyon natunga sa duruha ka kategorya kini gilangkuban sa Adult Creative Research (Likha Award) ug Student Creative Research (Sibol Award) alang sa High School ug College.
Morepresesnta sumala pa sa Davao Region alang sa Adult Creative Research category ang nanag-iya sa Hydrophilia Technologies Incorporated nga si Aezer Cajegas kalabot sa iyang research sa Alcasol Pure Antibacterial ug Antifungal Disinfectant.
Nasayran nga midaug sab si Cajegas isip third placer kaniadtong milabay nga tuig tungod sa iyang imbensiyon sa hydrophiliate technology.
Samtang sa College Student Creative Research category, morepresenta sila si Charles Abella, Carlo Lagura, ug Bernard Ranola gikan sa University of Southeastern Philippines (Usep) diin ilang ipakita ang ilang gihimong pagtuon sa TAMLA: usa ka Mobile App nga lamang sa Crime Scene Fingerprint Matching.
Makatabang sumala pa kini sa komunidad pinaagi sa hinanali nga identification process sa crime scenes.
Samtang sila si Philippine Science High School-Southern Mindanao Campus students Felix Arthur Diosos ug Coleen A. Quirim, ang mamahimong representatives sa Davao Region alang sa High School Student Creative Research category sa ilang imbensiyon nga Pectin-carboxymethylcellulose Biocapsule alang sa Potential Colon Targeted Oral Drug Delivery.
Nasayran nga ang solo ug ang midaug nga tulonghaan makadawat ug P10,000 nga premyo ug gift certificates. Ang DOST-Davao Region mao mo-abaga sa plane tickets ug accommodations alang sa ilang national competition sa mosunod nga tuig.
